Health Minister in Nursing Care-ah tan la turin chah

Zonuna Kawlni /

Health Minister Lalrinpuii chuan Inrinni khan District Hospital, Mamit tlawhin sawrkar damdawi In te chu Nursing Care-ah tan la turin a chah.

Health Minister chuan thawktu indaihlohna chu chhuanlamah siam mai lova, theihtawpatan la zel turin damdawi In-a thawktute a ngen a, Private Hospital kan pan tamna chhan ber chu Nursing Care a that vang a ni tih sawiin, Private Hospital pawhin an theih chuan sawrkar damdawi In-ah pawh a theih a ni, a ti. District Hospital atanga hmunpui lam refer tam lo thei tura tan lak a tul thu leh chutiang tur chuan District Hospital tih changtlun zel an tum thu a sawi bawk.

Health Minister Lalrinpuii chuan Mizoram Health Insurance Scheme chu sawrkar hnathawk, CSS leh Pensioner ten an zawm mek tih a sawi a, a thatzia an hmuh mek thu leh Synod Hospital pawhin damlo tam tak an ngaihdam avanga sum tam tak an hloh avangin Mizoram Health Insurance Scheme zawm turin Hopital thuneitute pawh a biak thu a sawi a ni.

Health Minister hian CMO Office, ANM School, Buannel Home, Joshua home, One Stop Centre, Observation Home, District Programme Office leh District Social Welfare Office te a tlawh nghal bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »