MNF President in KMMTTP kawng a tlawh

MNF President Zoramthanga chuan Inrinni khan Kaladan Multi-Modal Road, Zorinpui leh Myanmar ramchhung engemaw chena thui a tlawh a, he kawng dinhmun hi a hmunah a enfiah a ni.

    MNF President chuan Bangladesh hotupa Mohammad Yunus-a thusawi avang leh khawvel inher zelin a ken tel avangin Kaladan Multi-Modal Road hi tunhma aiin a let tam takin India hian a ngai pawimawh tawh tih sawiin, “He kawng pawimawh tak hi Mizo mipui tan malsawmna nasa zawk thlentu a nih thuai ka beisei,” a ti a. “Bangladesh sawrkar a inthlak a, Muslim firfiakin ro an rel mek a. Mohammed Yusuf China zin hawin India hmarchhak State 7-te India nen an inzawmna awmchhun, Siliguri-a km 20 bawr vel lek khu India leh NE inzawmna awmchhun a ni. Tuipui-a inkalpawhna North East-in a dang an nei lo. China leh Bangladesh tangkawpin hma kan la dawn a ni, a ti a. Chu thu a sawi chuan India a ti meng phar awrh a. Hei hian Akyap chhun tura tih Kaladan Multi-modal Road pawimawhna a lo lang ta chiah a ni. He lam kawng hi a tlang chak a ngai ta tih India sawrkar hian a hrechiang ta hle a ni,” a ti bawk.