Kuhva chingtu ten kawm

Mizoram Kuhva Chingtu Pawl (MKCP) hruaitute leh Central YMA Kumpuan Committee te chu Zirtawpni tlai khan Aizawl-a Central YMA Committee Room-ah an inkawm a, he hunah hian dan lova kuhva tawlhruk leh kuhva chingtute harsatna an sawiho. MKCP hruaitute hi Central YMA Vice President leh Kumpuan Committee Chairman Prof. Lalnuntluanga hovin an lo dawngsawng a, MKCP President C. Laldina chuan ram leilungfa Kuhva chingtute harsatna hrang hrang sawiin, ‘Foreign Kuhva Smuggling’ vanga harsatna an tawh chungchangah Central YMA Kumpuan Committee hnenah thlenin thawhhopui ah a sawm a. Central YMA Kumpuan Committee Chairman Prof. Lalnuntluanga chuan a tul anga theihtawp chhuah ho zel an tum tur thu a lo hrilh a ni. MKCP hruaitute hian Central YMA Kumpuan Committee in a tula an hman atan Rs. 10,000/- an hlan bawk.