Dan lova kuhva phurh hmun hnih ah man a ni

Inrinni zan Sakawrdai SDPO hmalakna in Darlawn dai-ah foreign kuhva hring phurtu Truck pahnih chu man an ni.

Thudawn danin heng kuhva hring phurtute hian Inrinni khan Champhai an chhuahsan a, Police Check gate helin Khawbung atangin Biate lamah an kal a, Sakawrdai SDPO leh a hote hian Darlawn daiah lo changin an lo man a ni. 

Nimin zing dar 6:00 vel khan Myanmar atanga lakluh ni ngeia hriat kuhva rah thahnem tak man a ni leh bawk a. Bilkhawthlir atanga thudawn danin, Bilkhawthlir Police-te chu Buhchang Peng, Bilkhawthlirah duty-in Bawihluna, Champhai Vengthlang North ni a inchhal khalh truck AS/11-C-2022 atangin kuhva rah bag 90 an man a. Kuhva rah leh a neitu, truck khalhtu ni bawk hi Vawiin hian Kolasib DC hnenah Police te hian an hlan dawn a ni.

Mizoram Home Minister K. Sapdanga chuan Social Media kaltlangin Kuhva tawlhruk titawp tura theihtawp chhuahtu Police te chungah lawmthu a sawi a, Kalphung thar hmel mipuiin an hmuh theihna turin Home Department-in hma an hruai zel dawn tih sawiin a thawktute pawh an tang hle tih a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar