Ngaihtuahna dang pu thar lo turin sawrkar duh

School Education Minister hlui Lalchhandama Ralte chuan sawrkar hmasa in zirna In thenkhat te dinhmun sang zawka a dah te chungchang ah sawrkar thar in ngaihtuahna dang pu thar lo hram se a duh thu a sawi.

A bial chhung khaw hrang hrang tlawha zinchhuak School Education Minister hlui leh tuna Opposition Leader ni mek Lalchhandama Ralte hian Sawrkar kalta in thing-tlang khaw tam tak harsatna tawh thin hre chunga khawtlang in rei tak an lo hahpui tawh an Zirna In te tichangtlung a, an hahna te chhawk zangkhai tura sikul tam tak dinhmun Sawrkar kuta an hlan tawh, ziak a sawrkarin Order a siam vek tawh te sawrkar tharin sum harsatna chhuan-lama ennawn leh tura a sawi rik mek avanga khaw tam tak lu tihai a awm mek chu pawi a tih thu a sawi a, Cabinet in a nemngheh leh Gazetted a chhuah fel vek tawh, lawma mipui tam takin kut an lo ben hnan tawh chu tihdanglam nilo se tih sawiin, heng sikul awmna khua ten hun rei tak harsatna an lo tawrh tawh chu tihkian sak chhunzawm ni ngei se a duh thu leh sawrkar thar pawhin ngaihtuahna dang pu thar lo hram se a duh thu a sawi bawk a ni.

School Education Minister hlui chuan khaw tin deuhthaw ah thawktu indaihlohna avanga Sikul a thawk tur Zirtirtu, SEDP sum hmanga rawih mekte kumin Financial Year thlenga sum dah sa a nih anga thawk chhunzawm a, zirlaite zirna tikhaihlak lo hram tura Sawrkar hnena ngenna a thlenin ngaihpawimawh a ni chu lawmawm a tih thu a sawi a. Financial Year thar ah zirtirtu indaihlohna avanga hmalakna kal mek chu ruahmanna thar nen chhunzawm a nih loh chuan khaw tam takah zirna khaihlak tur chu a rilru tibuai lawktu a nih thu pawh a sawi a, zirlai dinhmun thlira sawrkar in ngaihtuahna an sen chhunzawm ngei a beisei thu a sawi bawk.

Comments

Popular News (Last 30 Days)

LPG man bithliah thar