Vawkvulh khuahkhirh dawn

Aizawl Municipal Corporation (AMC) hmalakna in Vawiin, January ni 15, 2024 (Thawhtanni) atang hian AMC huamchhung ah mihring chenna In atanga ft. 100 aia hnaiah Vawk vulh khap a ni dawn a, enfiahtu tur Inspection Team pawh din fel a ni tawh. AMC hotute sawi danin June ni 28, 2023-a AMC Board of Councillors Meeting in thutlukna a lo siam tawh angin, Aizawl khawpui chhung a lo thianghlim a, mipui an lo hrisel zawk nan leh leimin vanga chhiatna thleng a tlem zawk theih nan mihring chenna In atanga ft. 100 aia hnaia Vawk vulh hi Vawiin atang hian a khuahkhirh dawn a, Aizawl khawpui chhunga Vawk vulhtu zawng zawngte chu  zawm theuh turin AMC leh ACLCA te chuan an ngen a ni.