Durtlang leh Sihphir inkar kawng siam mek enfiah

PWD Minister Vanlalhlana chuan Inrinni khan Durtlang North leh Sihphir inkar kawng zauh hna thawh mek chu a hmunah tlawhin a enfiah a. He kawng hi KM 10.25-a thui niin Central Roads and Infrastructure Fund (CRIF) hnuaiah cheng nuai 4657 sengin nikum July 14 atang khan thawh a ni a, thla 30 chhunga zawhfel tura ruahman niin PWD, Aizawl Road North Division thuneihna hnuaiah M/s SLT Infracon Private Limited ten he hna hi an thawk a ni.

He kawng laih mek avang hian kawng dan thin a nih avang leh a thawktu contractor te'n formation cutting an zawh veleh mipui veivak ten harsatna an tawh loh nan GSB (Granular Sub base) phah nghal thin turin Minister hian nathawktute chu a hrilh a. Kawng siam mek hi GSB chungah Dry Lene Cement (DLC) concrete (M15) leh PQC (Pavement Quality Concrete) (M40) phah leh tur niin a pumpuia kawng chah zawng hi metre chanve a tling dawn a ni.

Comments

Popular News (Last 30 Days)

LPG man bithliah thar