Wholesale Market tha nei turin hmalak mek a ni

Agriculture, Irrigation & Water Resources Minister P.C. Vanlalruata'n loneitu ten an mamawh em em Wholesale Market tha nei turin sawrkarin chak takin hma a la mek tih a sawi.

National Research Centre for Integrated Pest Management, ICAR- IARI, New Delhi leh KVK Aizawl tangkawpte ten nimin-a KVK Selesih hmuna an buatsaih Training cum Input distribution on Cultivation and Promotion of IPM a hmanpuina ah Agriculture Minister PC. Vanlalruata chuan thlai ven nan leh eichhetu rannung tihrêm nana KVK Aizawl ten NCIPM hmanga project tha tak an nei chu lawmawm a tih thu a sawi a, loneitu ten an mamawh em em leh sawrkar thil tum, Wholesale Market tha neih chu chak taka hmalak mek a ni tih a sawi a. KVK chu loneitute tana Doctor, a bikin Lei dinhmn enfiah chungchanga hmalatu pawimawh an ni tih hre reng turin a chah bawk. He hun hi College of Veterinary Sciences & Animal Husbandry, Dean, Prof. Lalnuntluangi Hmar chuan a hmanpui bawk a ni.