Serchhip District Bawrhsap Paul L. Khuma chuan kum 2024 Krismas leh kumthar 2025 hlim tlang tak leh thlamuang taka kan hman tlan theih nan halpuah, halmawi leh silai lem mu nei chi khapna thupek a tichhuak a. Hemi chungchanga thuchhuah a siam thar ah Bawrhsap chuan Halpuah leh halmawite hian nasa takin mihring hriselna a tichhe thei a, boruak a tihchhiat leh tihbawlhhlawh mai bakah ri bengchheng a siam a, heng bakah hian silai lem a mu nei chite hian mihring piansualna a thlen tak fo bakah tul lova sum khawh-ralna a ni tih tarlangin, hei vang hian Section 163 of Bharatiya Nagarik Suraksha Sanhita, 2023 tlawhchhanin tun thla ni 25 khan he thupek hi a tichhuak a. Hemi chungchangah hian September thla khan thupek chhuah ni tawhin, hei hi a huamchin a tawp avangin a chhuah thar leh a ni.
He thupek hian thu leh awm hma chu chuah a nih atanga thla 2 (two months) chhung a huam anga, tthupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang tih a tarlang bawk.
Comments
Post a Comment