India ram Danpui in kum 75 a tling ta

Nimin November 26,2 024 kha India ram Danpui pawm ni champha, Indian Constitution Day vawi 75-na a ni a, he ni pual hian Prime Minister Narendra Modi chuan ram mipuite chibai a buk a ni. Kum 1949 November ni 26 khan Constituent Assembly of India chuan India Danpui chu pawmin, a kum leh kum 1950 January ni 26 atangin a taka hman tan a ni a. India Danpui in kum 75 a tlin lawmna hi kum khat chhung neih tura ruahman a ni.

Constitution Day pual hian ramchhung hmun hrang hrangah hun hman a ni a, Mizoram University chuan he Ni pual hian School of Social Sciences Conference Hall-ah hun an hmang a, MZU Pro Vice Chancellor Prof. Pravakar Rath bakah thawktu dang ten he hun hi an hmanpui bawk a ni.