Hall sakna senso pe tura tih mipui in thing chhuak

Khawlailung Bunghmun Branch YMA chuan an Branch YMA Hall sakna-a Work Supervisor in sum a pek tur chu a pek mai loh avangin niminpiah khan mipui inkokhawmin an dilchhuak.
Thudawn danin Khawlailung Bunghmun Branch YMA hian Hall an neih theihna tur hian kawng hrang hranga hma lain chhungkaw tin te pawhin thawhlawm te an thawh a. Hemi hnu hian Hall sakna tur sum cheng nuai 52.4 chu Social Welfare Department kaltlanga hmuin hetianga Hall sakna tur sum ruahman a awm hnuah khawtlang mipui ten hma an lo lak tawhna atanga an senso chu JE chhut tirin cheng nuai 7 vel an lo sen tawh atangin cheng nuai 5 pe turin Works Supervisor ho hian inremna an siam a ni.

Hetianga sum inpe let tura an tih atang hian cheng nuai hnih (2) chu Work Supervisor hian pein a bak hi vawi engemaw zat pe tura an nawr hnuah pek zui a tum loh thu a sawi a. Hei vang hian niminpiah zing khan Khawlailung Bunghmun Branch YMA huamchhunga mipuite chu inpun-khawmin Work Supervisor, Krawsmawia In-ah  kalin pawisa hi an dil a. Inbiakna an neih hnuah a sum pek tur la bang cheng nuai thum (3) hi pe in an in tifel thei ta nia thudawn a ni.