Hmeichhia te himna tur inzirtirna hun buatsaih

Nimin November 25, 2024 kha ‘International Day For Elimination of Violence Against Women’ a ni a, he ni hi khawvel pumah hmeichhiate himna chungchang inzirtirna atan hman thin a nih angin Serchhip District-ah pawh he ni pual hian hun hman a ni.
Nimin-a ‘International Day For Elimination of Violence Against Women’ denchhen hian Women & Child Development, Social Welfare Department hnuaia One Stop Centre, Serchhip a thawktu te chuan Bungtlang VC Hall-ah Bung-tlang Joint MHIP te tanhmeichhiate himna chungchang inzirtirna hun, 'Awareness Programme' an hmang a, he hun hi Angela Vanlalruati, Case Worker, OSC chuan kaihruaiin H.Lalhunsangi, Case Worker OSC in OSC chungchang leh an hnathawh dan te a sawi a, Lalchhanhimi Centre Administrator, OSC (Protection Officer) in Protection of Women from Domestic Violence Act, 2005 leh hmeichhiate himna kaihhnawih dan hrang hrang zirtirna a pe bawk.

He hunah hian MHIP Member mi 60 chuang telin zawhna leh chhanna hun te hman a ni bawk.