Cricket-ah Serchhip District chak zo ta lo

Cricket Association of Mizoram (CAM) buatsaih President’s Cup khelh mekah Serchhip District Cricket Association chu Quarter Final thleng zo lovin an tla ta a, nimin khan Chhinga Veng CC lakah Wicket 8 in an tlawm a ni. Suaka Cricket Ground, Sihhmui-a nimin-a Round of 16 inkhel Toss-a chak Serchhip DCA hian vuak hmasak thlangin Overs 17.4 ah Wicket hloh vekin run 64 chauh an siam thei a, Team tha zawka ngaih leh 1st Division Club Chhinga Veng CC tan Target hlauhawm a ni phak lo a, Overs 14.2 ah Wicket pahnih chauh hlohin an target hi an umphak ta reng a, Wicket 8 in hnehna an chang ta a ni.