Neihdawn khua ah Tomato Festival hman a ni

KVK Khawzawl buatsaihin nimin khan Neihdawn khuaa Lungding tlang-ah Krishi Vigyan Kendra (KVK) kum 50-na, Krishi Swarna Samriddhi lawm nan Tomato Festival hman a ni a, Khawzawl DC K. Vanlalthiana chuan a hmanpui a ni.

KVK Senior Sceintist & Head Dr. Malsawmkimi kaihhruai he hunah hian Bawrhsap K. Vanlalthiana chuan kalkhawmte Neihdawn khaw mipuite taimakna fakawm a tih thu a sawi a, Tomato chin kawngah ngaihtuahna tha tak senga eizawnna tling tak an siam thei chu ropui a tih thu sawiin, taima taka thawk zela District ti hmingmawitu ni zel turin a fuih a, hun lo kal zel turah theihtawp chhuaha tanpui zel a tum thu a sawi bawk.

KVK kum 50-na lawmna pual hian Tomato thar tha inelna buatsaih niin inelna a tithate hnenah Bawrhsap hian lawmman a hlan nghal a ni.

Neihdawn khuaah hian chhungkaw 150 awm atangin chhungkaw 92 in Tomato an ching a, Tomato hi kumkhatah vawihnih thar theih niin kum 2024 chhung hian a thawhkhat nan quintal 460 tharchhuakin cheng nuai 36 an lei chhuak tawh a, a thawhhnihna ah hian quintal 2000-3000 tharchhuah inbeiseiin kg. ah Rs. 40 anga chhutin cheng nuai 80 man lei chhuak turah beisei a ni. He hunah hian Neihdawn khaw mipui thahnem tak an tel a, Sawrkar Department hrang hrang aiawh ten an tel pui bawk a ni.