Serchhip-a NH. 54 kawngpui thenfai hna thawk tan

Serchhip khawpui chhung paltlang, Kikawn leh Sailiamkawn inkar National Highway-54 a leimin in kawngsir a hnawh te thenfai hna chu nimin khan thawh tan a ni.
Thudawn danin Ser-chhip Sub-Hqrs. YMA chuan tunhnai Serchhip a rawn kal Chief Minister Lalduhoma hnenah Serchhip khawpui chhunga NH. 54 kawng chhia chungchang hi lo thlenin Chief Minister hian a tul anga hma la turin NHIDCL hnenah a hrilh a. Hemi ang hian tunkar Nilaini zing khan NHI-DCL leh Serchhip Sub-Hqrs. YMA te chuan Kikawn leh Sailiamkawn inkar kawngpui hi a hmunah enfiahin kawngsir-a lei tla thenfai ngai zual te an en a, hemi ang hian nimin khan Kikawn atangin kawngsir thenfai hna hi thawh tan a ni.

Serchhip khawpui chhunga kawngpui chhia chungxchang hi Serchhip Joint VC leh Ser-chhip Town Development Committee te pawhin Chief Minister hnenah hian an lo thlen tawh a ni.