Serchhip District-a Hualtu khua in kum 400 a tlin lawmna hun hman a ni
Hualtu khuaa Alu Hmun Field-a Hualtungamtawna Run-a Hualtu khaw kum 400 tlin lawmna ah hian Home Minister K. Sapdanga chuan kum tam tak kalta ah khan Hualtu khua chu khaw intodelh an lo ni tawh tih sawiin, Buh leh thlai ah te khaw dang ngai lova intodelh thei an ni tih a sawi a. Sawrkarin an buaipui ber chu an Flagship Programe, Bana kaih, Handholding leh Thlai thar lei a ni tih sawiin, “Sawrkar policy tihlawhtlingtu tur khua in ni a, sawrkar in thlai thar a thlanchhuah bik Hmarcha leh Sawhthing phei chu inhlawkpui ngei ka beisei,” a ti. Home Minister chuan tunah hian Hmarcha lei duh pawh tihfel thawkhat a ni tawh tih sawiin, “Thlai dangte pawh sawrkar lamin a leitu tur leh a hralhna tur a buaipui mek a, Handholding Policy leh CM Special Package hmangin kumin ah bul kan han tan a, kuthnathawktute huan lo ram thleng phak tanpuina in hmuh ngei ka beisei a, chu chu ZPM sawrkar pawhin a tum ber a ni,” a ti bawk.
Hualtu khaw VCP Malsawmkima kaih-hruai he hunah hian Khual zahawm leh Bialtu MLA PC. Vanlalruata pawhin a Bial chhunga khaw ropui tak mai leh upa tak mai Hualtu khua chu Vawiin thlengin khaw chhuanawm an la ni reng tih sawiin, “Zikhlum leh Tomato-ah Aizawl khawpui in chawm mek a, khaw taima tak lo ni zel turin ka chah duh che u a ni,” a ti a. Mizoram a mi hmingtha tak takte pawh he khua atang hian an lo chhuak tawh tih sawiin, “Zrna kawngah te, kuthnathawh kawngah te, infiamna kawngah te tan la zual sauh sauh ang che u,” tiin a chah bawk.
Hualtu khua in kum 400 a tlin lawmna leh Haw Runpui-ah hian Souvenir tlangzarhin item chi hrang hrang entir a ni bawk a, kum upa te hnenah chawimawina hlanin an khaw kum 400 tlin hriatrengna lungphun chi Home Minister K. Sapdanga hian a hawng bawk a ni.
Comments
Post a Comment