Serchhip District-ah Vawk thi leh suat 10,577 tling
Serchhip District-a ASF hri leng hian ziaawm lam a pan ve zel a, nimin lamah Vawk thi leh suat chhinchhiah belh awm lovin Inrinni khan Vawk thih belh awm lovin Serchhip Kawnpui North-ah Vawk pakhat suat a ni thung a, heti hian kumin chhungin Serchhip District-ah ASF vanga Vawk thi 3522 awm tawhin Vawk 7055 suat a ni tawh bawk a, kumin chhung hian Serchhip District-ah ASF avanga Vawk thi leh suat chu a vaiin 10,577 a tling tawh a ni.
Serchhip District-a ASF hri leng mek hian ziaawm lam pan tawh viau mah se Vawk thi leh suat erawh ala awm zeuh zeuh a, tunhma deuha ni tin Vawk thi leh suat awm ang erawh ni tawh lovin khaw thenkhat ah Vawk thi leh suat hi ala awm zeuh zeuh a, khaw tam zawkah chuan Vawk talh leh a sa zuar te pawh an awm leh tawh a ni.
Chhinchhiah chinah Serchhip District chhunga khaw mal-a ASF vanga Vawk thi tamna ber chu Thenzawl niin kumin hian Vawk 1059 zet a thi tawh a, Chhingchhip khua ah Vawk 1305 suat ni tawh bawkin khaw mal-a Vawk suat tamna ber a ni bawk.
AH&Vety Department in an chhinchiah chinah kumin hian Veng leh khua 256-ah ASF hri leng hi hmuh a ni tawh a, ASF avanga Vawk thi 14,741 awm tawhin Vawk 24,028 zet suat a ni tawh bawk a ni.
Comments
Post a Comment