Foundation for Drug-Free Mizoram High Council nei

Foundation for Drug-Free Mizoram High Council 2024 chu nimin khan neih niin Excise & Narcotics Minister Lalnghinglova Hmar chuan khuallian niin a hmanpui a ni.

Aizawl-a Synod Conference Center-a he hun hman ah hian END Minister chuan ruihhlo a Mizoram dinhmun chu tha lo a tih thu sawiin, tha thlah lova pawl tinte intichak tawna hmalak tlan a pawimawh takzet thu a sawi a. Supply Reduction, Demand Reduction leh Harm Reduction lama hmalak tlan a, hmalatu hrang hrang Sawrkar, tlawmngai pawl hrang hrang leh Kohhran te an tan tlan a pawimawh thu sawiin, Mizoram chu ruihhlo kalkawng a awm a nih avangin lut a tam avangin ngawrh zual zawka ven pawhin a tlang chin engemawzat chu a awm thu a sawi a. Hemi a nih avang hian ruihhlo ti lo tura inzirtirna a pawimawh thu a sawi a. A ti mek, dam thei bawk silote pawh ngaihthah chi an nih loh thu a sawi bawk.

Foundation for Drug-Free Mizoram High Council 2024 hian Mizoram ruihhlo do pawl lungthu pathum - Supply Reduction, Demand Reduction leh Harm reduction te chu ruihhlo kan dona kawnga thawhho ni rawh se tiin resolution an pass a. Drug-Free Mizoram hi kum 2022 khan mumal taka din niin ruihhlo do kawngah kawng hrang hrangin hma an lo la tawh a ni.