Serchhip-ah Polling Official 2nd Randomization nei

Lok Sabha Inthlanpui neih tur atana inbuatsaihna kal zelah nimin khan Polling Official-te khawl hmanga thliarfel thawh hnihna, 2nd Randomization of Polling Officials chu neih leh a ni.
2nd Randomization of Polling Officials hi Election Commission of India in 1-Mizoram (ST) Parliamentary Constituency General Observer atana a ruat Dr. Nipun Vinayak IAS kaihhruaina in Video Conference kaltlanga neih a ni a, Serchhip-ah pawh District Election Officer David Lalthantluanga leh Election Officer Gaston Vanlalhriatpuia bakah Official pawimawh ten an lo zawm a, he hunah hian 1st Randomisation-a Polling Official ni tura khawl hmanga lo thlanchhuah tawh te chu an kalna tur Constituency bakah Polloing Party pakhat-a awm tur te thliar fel an ni a, April 17 khian 3rd Randomization neih leh tur niin hetah hian an kalna tur Polling Station tihfel a ni dawn a. Serchhip District chhungah hian Polling Station 88 awmin heng a Duty tur hian Polling Party 107 an awm a ni.


Election Commission of India (ECI) in inkaihruaina a duan angin Polling party te hian an kal duhna Polling Station an thlang theilo a, an kalna tur hmun hi khawl hmanga thliar fel a ni thin a. Randomization hui thawh thum-a neih thin niin a thawhkhatna ah Polling Personnel duty chhuak turte thlan a ni a. Chungte tan chuan training pek niin tun tumah hian heng 1st Randomization-a thlanchhuah tawhte hi Team hrang hrangah thliar an ni leh a, Election-a Duty turte chhuah dawn ah a thawh thumna nei lehin Inthlanna atana bungraw pawimawh te pawh pekchhuah nghal tawh tur an ni dawn a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni