Horticulture Minister in Mizoram Horticulture Service Association Conference a hmanpui

Mizoram Horticulture Service Association chuan nimin khan General Conference vawi 28-na hmangin Horticulture Minister Prof. Lalnilawma chuan a hmanpui.

Aijal Club-a Mizoram Horticulture Service Association-ah hian Horticulture Minister chuan MHSA Member te chu Department hmasawnna tura theihtawpa an suangtuahna seng tura chahin, “Kan suangtuahna te a taka kan bawhzui zel chuan kan ramin hma a sawn ngei ka beisei a ni,” a ti a. Ei leh bar-a kan intodelhna kawngah Horticulture Department chu a pawimawh berte zinga mi an nih angin kalphung thar Sawrkar an nih ang ngeiin a ngai pet peta kal lovin thil danglam thlentirtu nih tum theuh turin a chah a. Thleibik nei lova mi taima leh a thawk tha te beneficiary an thlan thin tur thu sawiin, Sawrkar Policy tihlawhtling turin Export Oriented leh result oriented lamah an ngaihtuahna te hmang turin a chah a. Kan rama Mau te pawh kan neihsa hman tangkai a, sawngbawl dan ngaihtuah phawt chu an tih hmasak tur a nih tur thu a sawi bawk.

Horticulture Minister chuan an enkawl kuthnathawktute chu thingtlang mi, thil hre zau lo zawk leh inthlahrung tak tak te an nih angin Department Officers leh thawktute chu hawihhawm taka lo dawngsawng thin turin a chah a. Kuthnathawktute nen inpawh tlang taka kan that tlanna tura tangrual thin turin leh an thlaithar te a hlutna tihpunna zawnpui a, an sum lakluh tihpun dan tur ngaihtuah thin turin a chah bawk a ni.

Mizoram Horticulture Service Association-ah hian Member 55 awm mekin nimin khan an Member thar mi 6 lawmluh an ni a, ‘Mizoram Horticulture - In Development and way forward’ tih thupui hmangin an Department-a Deputy Director Dr. Jenny Zoremthangi chuan zirtirna pein Mizoram zau zawng Sq. KM 21,081 atangin Potential Horticulture Area chu 11.56 lakh Ha (55%) anih laiin tuna Horticulture Area kan neih mek chu 1.5 lakh Ha (13%) chauh anih thu a tarlang a. Sawrkar policy 'Ban-a Kaih' (Hand holding policy) hnuaiah thlai pathum Aieng, Sawhthing leh Mizo Hmarchate chu Horticulture Department hnuaia awm a nih avangin theihtawpchhuaha hmalak dan tur a tarlang bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result