Kumin-a Gandhi Jayanti lawmna atan Governor in Handloom & Handicraft Fair buatsaih a rawt

Mizoram Governor Dr. Hari Babu Kambhampati chuan kumin a Gandhi Jayanti (October 2) lawmna atan Handloom & Handicraft Fair buatsaih a rawt.

He Fair buatsaihna a lo nih chuan, Handloom leh Handicraft hmanga eizawngtute kan tanpuina Mizoram Governor hian nimin khan Raj Bhavan-ah R. Lalramnghaka, Secretary leh Commerce & Industries Department-a Director Florence Zotluangpuii bakah Department hotute dangte kawmin kumin October 2-a Gandhi Jayanti-a Handloom, Handicrafts leh tualchhung kut hnathawktute thil siam dangte tihlarna tur atan Fair emaw Exhibition buatsaih dan tur chungchang hi a sawipui a. State economy tana Handloom, Handicrafts leh Cottage Industry dangte a pawimawh thu sawiin, heng kutchhuakte hian Mahatma Gandhi nen inzawmna nghet tak an nei tih a sawi a. India Hnam Pa pianchampha phak-ah hian Handloom leh Handicraft Fair buatsaih chu thil tih awm tak a ni, a ti.

He Fair buatsaihna a lo nih chuan, Handloom leh Handicraft hmanga eizawngtute kan tanpuina remchang leh kan kutchhuak te kan vawrh larna a ni pah fawm dawn tih Governor chuan sawiin, mipuite chu he hun chhim tur leh heng kan kuthnathawktute kutchhuak hi pakhat emaw tal leisak turin a sawm nghal a ni. Exhibition neihna atan hian Governor chuan Raj Bhavan a rawt a, kuthnathawktu leh tualchhung entrepreneur te chu he hunah hian an thil siam zuar a, phochhuah turin a sawm a. Hemi pual hian Raj Bhavan pawh mipui tan hawn a nih tur thu a sawi bawk.