YLA in Pisa khar sak rih

Lawngtlai District-a tlawmngai pawl lian ber Central Young Lai Association chuan Lawngtlai leh Kawlchaw inkar kawng National Highway 54 siam hna thawh mekah hnathawh tha lo siam that phutin nimin atang khan Lawngtlai-a NHI-DCL Office leh hnathawh viltu ICT Office te chu an khar sak. Thudawn danin Lawngtlai leh Kawlchaw inkar NH. 54 siam hna thawh mekah hian hmanraw tha lo hman a nih bakah hna pawh duhdah taka thawh a nih avangin kumin January 8 khan NHIDCL Executive Director hovin tha zawka hna an thawh tur thu te, hnathawh thalo awmte pawh thiata, hna tha zawka thlak an tum thute NHIDCL lamin an sawi a. Kumin July 10 thleng khan hmalakna engmah a awmloh vangin tha zawka hna thawk turin Central YLA chuan a ngen nawn leh a, tun thlenga hmalakna hmuhtur a awmloh vangin Lawng-tlai-a NHIDCL leh ICT Office te hi thawktute kai rih lo turin an khar sak ta a ni.