Hmun him lamah thiarchhuak

Tunhnaia ruah sur nasa avanga Khawthlang-tuipui lian avangin Lunglei District chhung Tlabung leh a chhehvel-a chhungkaw 254 te chu hmun him lamah thiarchhuah an ni tawh a, heng mite hi Tlabung-a chhungkaw 66 bakah Tipperaghat-ah chhungkaw 47, Silgur-a chhungkaw 42, Tui-chawng-ah chhungkaw 35, Lamthai leh Nunsury I-ah chhungkaw 26 ve ve leh Sugarbasora-ah chhungkaw 11 te an ni a. Lamthai khaw mi 3 chu Lawng-ah an tangkhang mek bawk. Heng mite bakah hian Bindasora a chhungkaw pakhat leh Nunsury II-a chhungkaw pahnih chu hmun him lamah suanchhuah an ni tawh a, Tlabung Indoor Stadium chu tuilian in a chim tawh a ni.

Hetihlai hian tunhnai ruahsur nasa avanga Chawngte RD Block huamchhunga tuilian chuan ziaawm lam a pan hret nia thudawn a ni a, nimin thleng khan Chawngte RD Block-ah hian leimin avanga In chhia 29 leh Tuilian avanga hmun him lama sawnchhuah chhungkaw 151 awmin Relief Camp-ah chhungkaw 51 an awm bawk.