Tomato thawnchhuah a ni

Tualte Tomato Growers’ Co-operative Society Ltd. te tharchhuah Tomato quintal 162 chu Silchar, Assam-a hralhchhuah turin nimin khan Deputy Chief Minister Tawnluia chuan Aizawl a Horticulture Directorate kawt atangin a vailiam. Tualte khuaah hian kum 2019 khan ‘Tomato Growers’ Association’ din niin Horticulture Department leh KVK puihnain chhungkaw 24 in Tomato an ching tan a, kumin hian Society anga kal tanin Primary Agriculture Credit Society (PACS) kalpui mek bawkin, tomato kung 1000 chin neite chu Association member a ziahluh an ni a, Tomato chingtu chhungkaw 210 zet Society-ah share neiin an awm mek a ni. Tualte khua hian kum 2019 atanga kumin May thla thleng hian Tomato quintal 6992 an tharchhuak tawh a, sum faiin cheng vbc. 3.67 an lalut tawh a, tun tumah hian Tomato hi Quintal 300 (1500 crates) an thawnchhuak a ni.