NHIDCL te an hnathawh chawlhsan turin hriattir tawh

Serchhip District-a National Highway-54 kawng laih zauh hna thawktu NHIDCL te chu an hnathawhna atan Forest Clearance an neih loh avangin Thenzawl DFO chuan an hna chawlhsan turin May 31, 2022 khan Stay Order a pe tawh.

Thenzawl DFO Lalbiakchama Chawngthu sawi danin NHIDCL hian Serchhip District chhunga an project, Package 2 leh, Chhiahtlang & Serchhip by-pass road atan hian Forest Clerance, Stage-I pawh a thuphunga pawmpuina (in principle approval) pawh an la hmu lova, Forest Clearance Stage-I pawh hmu lova hna an thawk tan hi Forest Conservation Act 1980 bawhchhiatna niin leivung paih dan tur ruahmanna (muck disposal plan) an thehluhte pawh a taka an hnathawhna ah an zâwm mumal lo hle a, an tihtura ziaka an intiam (undertaking sign) te pawh an zawm lo a, hei pawh hi Forest Conservation Act 1980 bawhchhiatna niin heng te avang hian heng an hnathawh viltu Lunglei leh Seling Project Management Unit-a Regional Officer-te chu ni 31.5.2022 khan an hna chawlhsan tura hriattirna (stay order) an pe tawh a ni.