PMMSY hnuaia hmalakna te thlirho a ni

Pradhan Mantri Matsya Sampada Yogana (PMMSY) 2020-2021 hnuaia Sangha khawi kawnga hmalakna chu nimin khan Fisheries Minister K. Lalrinliana hovin thlirho a ni.

PMMSY hnuaiah hian Sangha Dil tanpuina bakah a no khawina te, Sangha chi siamna Hatchery, Vur siamna khawl Ice plant, Sangha zawrhna kiosks, Leilet buh nena Sangha khawina leh Sangha mawi (ornamental fish) khawina leh siam tanpuina te pekchhuah a ni a. He Scheme hnuaia hmalakna kal mekah tanpuina dawngtu hna thawk tha lo te chu installment pek hmabak turte hren rih a, insawifiahna ‘show cause notice’ pek ni se an ti a, Fisheries Department Secretary kaihhruaina hnuaiah Monitoring Cell din a, a remchang dan apiangah PMMSY hnuaia hmalakna te a hmunah tlawh zel nise an ti bawk.