Mi 71 ten an Beng entir

Nimin March ni 3-a 'World Hearing Day' denchhena tunkar Thawhtanni atanga a thlawna Beng-a ri hriat dan enfiahna hun Serchhip District Hospital-a buatsaih chu mipui ten an hlutin nimin, a tawp ni thleng khan mi 71 zetin an Beng an entir a, heng Beng entir zingah hian Doctor ten enkawl zui ngai mi engemaw zat an awm bawk nia thudawn a ni. Tun tuma a thlawna Beng ri hriatna enfiahna buatsaih hi Serchhip bakah District chhung khawdang atang pawhin mi eng-emaw zat in an rawn pan a ni.

Serchhip-a National Programme for Prevention and Control of Deafness (NPPCD)-a thawktute chuan Beng lama harsatna nei te tan hian Serchhip District Hospital-a OPD hawnni apiangin OPD Building chung berah pan theiha an awm thu sawiin, ri hriatna lama harsatna nei bakah Beng dar mamawh leh hemi atana Rualbanlo Certificate lakchhuah ngai te pawhin an hnenah hian zawhfiah theih niin an hnenah hian ri hriat dan dinhmun enfiah hmasak thin a tul thu an sawi bawk.