Mimbung-ah PHC building thar hawn a ni

Zonuna Kawlni (LENKAWL) • March 4, 2022 • Comments • Mizoram

Mizoram Rajya Sabha MP K. Vanlalvena chuan Mimbung-a Primary Health Centre (PHC) building sak thar chu nimin khan a hawng.

Mimbung PHC Building hawnna hunah hian Rajya Sabha MP chuan hriselna chu a pawimawh tih sawiin, Central lam pawhin Healthcare Scheme te rawn siamin, heng te hi a pawimawhzia mipuiin kan hriat a a pawimawh thu a sawi a, Sialkal Range Development Council duhsakna avanga hetianga damdawi In tha neih a nih theihna tur hma la tu Chief Minister leh MLA L. Thangmawia te thawhrah a nih thu a sawi bawk.

Manipur ramri Tuivai Lei atangin Defence Road kal tura ruahman a nih thu pawh Rajya Sabha MP chuan sawiin, tun atanga reilote ah Mimbung ram atanga Champhai kaltlangin Saiha thlengin KM 600 chuanga thui inkalpawhna kawng laih tur a nih thu leh tun atanga reilote ah hna tan a nih mai tur thu a sawi bawk.

Mimbung PHC hi kum 1986-a din tawh niin, a Building hi a awngrawp tawh hle a, kum 2021 kumbul atang khan bialtu MLA L. Thangmawia hmalakna in he building thar sakna tur hian hmalak tan a ni.