Hri kai 67 hmuh belh niin enkawllai 767 awm mek

Nimin khan Serchhip District-ah COVID-19 hri kai mi 67 hmuh belh leh an ni a, Serchhip District-ah hian hri kai enkawllai 767 an awm mek a ni.

Nimin a Serchhip District-a hri kai hmuh te 67 zinga 15 hi Serchhip khawpui chhunga hri kai hmuh te niin New Serchhip North huamchhung ah mi 9, P&E Veng leh Tuikhuah Veng-ah mi 2 ve ve leh Darnam Veng leh Zozam Veng-ah mi pakhat ve ve te an ni.

Heng bakah hian Thenzawl-ah hri kai mi 17 hmuh niin North Vanlaiphai-ah 14 hmuh an ni bawk a, Buangpui-ah hri kai mi 7 hmuh niin Khawlailung-ah 5, Chhiahtlang-ah 4, Chhingchhip-ah mi 2 leh Hmunzawl leh Keitum-ah mi pakhat ve ve hmuh an ni a, South Chawngtui khua hri kai mi pakhat hmuh a ni bawk.

Nimin khan Serchhip District-ah hri kai enkawl dam mi 168 awm belh lehin nimin tlai thlenga Serchhip District-a hri kai hmuhchhuah tawh chu 12,141 an ni a, an zinga 11,345 te chu enkawl dam ni tawhin hri kai hmuhchhuah zat atanga chhutin za zela 93.44 te chu enkawl dam an ni tawh a, hri kai enkawllai 767 la awmin hri kai zingah mi 29 an boral tawh bawk a ni.