Latest News

Chanchin thar thenkhat :

H&TE Minister in hawng

Higher & Technical Education Minister, Dr. R. Lalthangliana chuan nimin khan Lunglei Govt. College-ah cheng nuai 131 senga sak Library Building thar a hawng a, he hunah hian Minister chuan Lunglei Govt. College chuan hmasawnna ruhrel (College infrastructure) leh zirna lamah te kawng hrang hranga hma an sawn chu lawm-awm a tih thu sawiin, heng infrastructure te hian zirna leh College hmalakna hrang hrangah hma-sawnna tam tak a thlen ngei a beisei thu a sawi bawk. Lunglei Govt. College (LGC) hi September 10, 1964 a din niin tunah hian zirlai 1029 an awm mek a, Zirtirtu mi 67 an awm mek a ni. Nimin-a hawn tak Library Building hi RUSA 2.0 sum cheng nuai 100 leh SEDP sum cheng nuai 31 senga sak a ni.


MZP in hmalak dan tur rel

MZP General Hqrs. chuan nimin khan Ai-zawl-a an Offcie-ah thutkhawm neiin Myanmar buaina vanga Zohnahthlakte tuarna chu enliam mai harsa an tih thu sawiin, Myanmar buaina avanga harsatna tawk Zohnahthlakte chhawm-dawla theihtawp chhuahpui an rel bakah himna duha Myanmar atanga Mizoram lo lutte a tul anga buaipui chhunzawm zel nise an ti a. Hemi ang hian zanin dar 7:30 hian Myanmar buaina a boralte sunna hun Mizoram hmun hrang hrangah a ruala urhsun taka hman nise tiin tunkar Inrinni khian Myanmar Zohnahthlak, Mizoram-a lolut te tan vehbur khawnin Mobile Concert huaihawt nise an ti bawk.


Kohhran 3 chawitir tawh

Home Minister, Lalchamliana chuan hripui darh tur venna inkaihhruaina bawhchhiat vangin tualchhung Kohhran 3 chu pawisa chawitir an nih thu nimin khan Assembly House hrilhin Sakawrdai leh Vaitin khua a EFCI Kohhran leh Mualthuam North Mizoram UPC Kohhran te an nih thu a sawi a. Lawngtlai District-a BJP leh Congress Bhavan-a pungkhawm INC te pawh pawisa chawitir an nih thu a sawi bawk.


Hriata Chhangte in thu sawi

BJP Mizoram Pradesh chuan nimin khan Ai-zawl-a an Office-ah Kar thar inhlanna neiin he hunah hian Serchhip bial bye-election neih tura an Candidate tur, Lal Hriatrenga Chhangte chuan Serchhip Bial Bye-Election lo awm tur atana sawm anihna chu Pathian hruaina leh kohna anih ngei ringin, Serchhip Bial mipuite tana hnathawh Kawr ha turin a inpe tih a sawi a. “Kei hi Serchhip khua a piang leh seilian ka nih vangin a chhung atanga Bial hmasawnna tur thawktur leh Central chakna hmang tangkai thei tur ka nih dawn avangin ka lawm hle,” tiin mipuite pawhin an Vote theih ngei a beisei thu a sawi bawk.


ZPM Chhung Inkhawm nei

ZPM Party chuan nimin khan Aizawl-a an Office-ah Chhung Inkhawm neiin he huna thu sawitu ZPM Leader, Lalduhoma chuan tun Assembly Budget Session neih mek hian Serchhip bial mipui a tiharh nia sawiin, “Serchhip-a kan dinhmun thlirin party a insawhnghet tawh hle a, pawnlam atanga min campaign saktu an tam em em bawk a, kan lawm takzet a ni,” a ti a. “Kan khingpui turte hian engtiang takin nge sum leh pai an chelek dawn hriat a ni lova, Pathian-a innghat chungin keini chuan theihtawp kan chhuah zel ang,” tiin theihtawp an chhuah zel a tul dawn thu a sawi bawk.


MPYCC ten FIR thehluh tawh an bawhzui

Mizoram Pradesh Youth Congress Committee (MPYCC) hruaitute chuan nimin khan Mamit Police Station tlawhin Er. Lalzirliana MLA ten Dan kalha Sangha an man chungchanga Vanramchhuangi FIR thehluh kal zel dan zawtin an bawhzui tih an sawi a. Heng MPYCC hruaitute hnenah hian Mamit Police Station OC, Freddy Lalramthara chuan a tul ang an tih vek thu lo sawiin, “Witness kan neihte khan a bomb lo an ti ta vek a, pakhat chiahin a bomb alawm a ti a, a buaithlak khawp mai,” tiin “He thil hi kan vawm ral mai mai dawn lo,” a ti bawk.

Comments

Popular News (Last 30 Days)