IAS-a kaisang thei tur Home Ministry-ah dil mek

Kumin February thla tawp-a Mizo IAS Officer 5 pension-a an chhuah avangin Mizoram Quota-a IAS a kaisang thei tur Mizo Officer te Union Home Ministry-ah thawn mek a ni.

    He thu hi nimin-a Assembly thutkhawm ah Personnel and Administrative Reforms Department changtu Dy. Chief Minister, Tawnluia chuan sawiin, Mizoram sawrkar hnuaiah IAS Officer-te chanpual, IAS Cadre Post 32 awm a ni tih sawiin, heta tang hian IAS Officer thawklai 22 an awm a. MCS Cadre Post 234 awmin thawk lai 186 an awm a, MCS bikah hi chuan Deputation in mi 20/30 vel an awm bawk tih a sawi a, MCS hi Post 80/90 vel ruak a awm mek tih a sawi. Tawnluia chuan, IAS leh MCS te hna chan tur hi bithliah fel tak awm mah se, IAS Post zawng zawng hnawhkhat tur an awm reng loh avangin IAS leh MCS hi an in kal pawlh ve thin tih a sawi a. MPSC kaltlangin kumin hian MCS, MPS, MF&AS 8 theuh leh MIS 4 la turin ruahmanna siam a ni a, kumin hian Exam buatsaih hman tum a ni tih a sawi bawk.

(Samuel Lalruatsanga, Zonet)