Hri danna pe chhunzawm

Kum upa te leh natna benvawn nei te tana COVID-19 vaccine pek hna thawh mek chu nimin khan Serchhip-ah chhunzawm leh a ni.

Serchhip District chhunga kum upa leh natna benvawn nei te tana COVID-19 vaccine pek hna thawh mek hi nimin khan Serchhip khawpui chhunga hmun hnih ah chhunzawm leh niin, Health Department-a thawktute chuan Serchhip Chanmari Veng tan Chanmari Branch YMA Run leh New Serchhip North leh Bukpui tan New Serchhip North YMA Hall-ah te hri danna hi an pe a ni.

Health Department-a thawktute chuan heng hmun hnih bakah hian Serchhip District Hospital Eye Ward-ah Frontline Worker te tan 2nd Dose an pek thu an sawi bawk a, tunkar tluan hian kum upa leh natna benvawn nei te tan hian khawpui chhung hmun hrang hrangah hri danna pek hi chhunzawm a nih dawn thu an sawi bawk.