‘I Kawtkaiah Sawrkar’ buatsaih

Lunglei District Bawrhsap Pisa hmalakna a mipuite'n sawrkar hmalakna hrang hrangte an chhawr tangkai theih nan an khuaa kalchilha service hrang hrang chhawpchhuah sakna, ‘I Kawt-kaiah Sawrkar’ (Prashasan Gaon Ki Ore) hun chu nimin khan Bunghmun khua leh a chhehvel mipuite tan Bunghmun BDO Complex-ah buatsaih a ni a, he hunah hian DC Office Election Branch, Agriculture, Horticulture, AH&Vety, Women & Child Development (ICDS), Rural Development (BDO), FCS&CA (Supply), Commerce & Industries, Health & Family Welfare leh Mizoram Rural Bank te'n stall hawngin, awlsam zawka mipuite dawr theih turin an inphochhuak a. Hetiang hun hi Haulawng leh Ralvawng-ah buatsaih ni tawhin tun thla chhung hian Bunghmun, Tlabung, Lungsen leh Bualte-ah te neih leh tum a ni bawk.