Tennis inelna 4th Serchhip Open khelh zawh a ni ta

Zonuna Kawlni /

Tunkar Thawhtanni atanga khelh Tennis inelna, 4th Serchhip Open chu nimin khan khelh zawh a ni.
 Serchhip P&E Veng Leisekawt Tennis Court-a khelh 4th Serchhip Open hi nimin khan inelna hrang hrangah Final khela zawhfel a ni a, inelna ngaihhlut Men's Singles-ah player 18 telin nimin a Final khelh ah Innocent Lalrindika (MPTC) chuan JH Lalhruaizela. RTC chu 6-4, 6-2 a hnehin a Champion a,Women's Singles-ah mi pathum telin nimin a Final khelh ah Lalbiak-sangi Chhangte (ATC) chuan K. Lalnunhlimi (NTC) chu 6-1 a hnehin a Champion bawk.

Serchhip Open-ah hian kum 14 hnuai-lam inelna ah player 8 telin nimin-a Final khelh ah Lalhruaitluanga Sailo (K-12) chuan Ethan Lalmuana (K-12) chu 6-1 a hnehin a Champion a. Kum 16 hnuailam inelna ah player 8 bawk telin nimin a Final khelh ah Lalhruaitluanga Sailo (K-12) chuan David Lalhlupuia (SDTA) chu 6-0 a hnehin a Champion bawk. 35+ Men's Singles-ah mi 15 telin Final-ah Benjamin Sailo (KDTA) chuan Vanlalrinliana (SDTA) chu 8-5 a hnehin a Champion a, 45+ Men's Singles-ah mi 7 telin nimin a Final khelh ah Lalthanmawia (ATC) chuan S. Lalrintluanga (SDTA) chu 8-5 a hnehin a Champion bawk a, 60+ Men's Singles-ah players 4 telin Final-ah Herman S. Khuma (K-12) chuan Major Mankhuma (KzDTA) chu 6-4 a hnehin a Chanpion bawk.

Men's Doubles-ah pair 7 telin Final-ah Basil Khuma (K-12) leh Zothanpuia (RTC) te tangdun chuan Innocent Lalrindika (MPTC) leh Lalthanmawia (ATC) te tangdun chu 8-3 a hnehin an Champion a, 45+ Men's Doubles-ah pair 4 bawk telin S. Lalrintluanga leh Vanlalvuana (SDTA) te tangdun chuan Vanlalhruaia leh PC. Vanlalvuana (SDTA) te tangdun chu 8-5 a hnehin an Champion bawk a, a khatna hun hi Bawrhsap Paul L. Khuma chuan a hmanpui a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »