Lirthei chesual-ah boral

Reliance Jio Company lirthei pakhat chu nimin khan Tawipui North-II dai ah chesualin he Motor a chuang Reliance Jio Lunglei-a Jio Point Lead hnathawk C. Lalremtluanga (29), Lunglei Bazar Veng chu a boral.

Thudawn danin he lirthei chesual hi Bolero niin nimin chawhnu dar 2:00 vel khan Lunglei lam atanga Tawipui North-II luh dawn, khua tanga KM hnih vela hla ah chesualin kawng-thlang ah a tlanliam a, he Motor-ah hian mi pahnih chuangin C. Lalremtluanga S/o C. Lalbiakthanga, Lunglei Bazar Veng hi a hmunah a boral nghal a, he Motor khalhtu Lalbiaktluanga, Lunglei Farm Veng chuan hliam a tuar thung a ni.

He Motor chetsualna hi tunhnaia Truck pakhat chetsualna hmun niin he Truck hi lakchhuah la ni lovin Truck hian Motor hi a lo dang a, C. Lalrem-tluanga ruang hi nimin tlai dar 4:00 vel khan lak-chhuah niin an khua ah lak nghal a ni a, Vawiin hian vuiliam a ni ang. He vanduaina a nunna chan C. Lalremtluanga hi hnathawhna avanga Serchhip-ah hun engemaw chen lo awm tawh thin a ni.