MCS, MPS leh MIS-a tling thar te lawmpuina hun hmang

Serchhip Kawnpui South Branch YMA chuan Mizoram Civil Services (Combined Competitive) Examinations-2024 a Mizoram puma pakhatna leh an Member, Samuel Malsawmzuala chu nimin khan Serchhip Bazar-ah lo hmuakin lawmpuina hun an hmang.

Mizoram Public Service Commission (MPSC) in Mizoram Civil Services (Combined Competitive) Examinations-2024 a buat-saiha Mizoram puma pakhatna Samuel Mal-sawmzuala S/o JH. Laldingliana, Tuikhuah Veng hian nimin khan Aizawl atanga Serchhip rawn thlengin Serchhip Kawnpui South Branch YMA te hian lawmpuina hun hi Serchhip Bazar-ah an buatsaih a, he hunah hian MCS bakah MPS leh MIS-a tling thar te pawh lawmpuina hlan niin Serchhip Kawnpui South Branch YMA President C. Ramengmawia chuan tuna tuma MCS-a tling thar chu an ni an nih avanga hmuaka lawmpuina hun buatsaih an nih thar loh thu sawiin, an Branch YMA chuan zirlai titha te bakah Serchhip khua ti hmingthatute an lo chawimawi thin tawh dan a sawi a. Tun tuma an YMA member MCS-ah pawh Topper hial a ni chu lawmawm an tih thu sawiin, hei hi tawp nana hmang mai lova Central Service lam te bei zel tura an duh thu a sawi.

He hunah hian Samuel Malsawmzuala chuan a phu loh leh beisei phak hauh lova YMA ten amah lawmna hun an buatsaih chu lawmawm a tih thu sawi a. Mizoram Information Service (MIS)-a tling thar R. Vanneihtluanga S/o RV. Lallara, Tlangnuam (P&E Veng) pawhin an hlawh-tlinna mipui ten an hriatpui chu lawmawm a tih thu sawiin, Serchhip khua nih nuam a tih thu a sawi bawk.

Nimin-a he hun hman ah hian Serchhip Kawnpui VC, Kawnpui South Branch YMA, Kawnpui South MHIP leh MUP te bakah Ser-chhip District Volleyball Association, Serchhip District Wrestling Association, Thirdeng Association leh mimal leh pawl engemaw zatin lawm-puina thilpek an hlan a ni.