Kidney 360 Dialysis Centre

Zonuna Kawlni /

Chief Minister Lalduhoma chuan nimin khan Aizawl Bazar Bungkawn-ah ‘Kidney 360 Dialysis Centre’ a hawng a, C. Dothanga IPS te chhungkaw din Kidney 360 Dialysis Centre hawn a ni chu lawmawm a tih thu sawiin, “Hriselna hi mihring rohlu a ni a, mifing apiangin an ngaipawi-mawh thin. Mizote pawh kan fing ve tial tial a, kan hriselna kan hlut tial tial dawn. Chuvangin health facility changtlung zawk kan mamawhna a sang zel a, sawrkar pawhin theihtawp kan chhuah,” a ti. Chief Minister chuan ICU te chu hnathawk theiin an siam deuh vek tawh tih pawh sawiin, “Thawktu pawh kan la thar nasa. Mahse sawrkar hmunhmain min daih seng lova, Private Clinic leh Private Hospital lam te thawhpuina kan mamawh a. Anni an lo inthuam tha ve zel hi a lawmawm hle,” a ti a. Kidney 360 Dialysis Centre chu Mizoram Universal Healthcare Scheme Empanelled Centre a nih bakah Private tan pawh a man tlawm bik thu sawiin, miharsa zawk te ban phak facility changtlung tak, Super Specialist thutchilh a nih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »