Chhiahtlang-a puantahtute hnenah tanpuina sem a ni
Chhiahtlang North VC Hall-a he hun hman hi ZOHANDCO Chairman Lalliansawta chuan hmanpuiin Chhiahtlang khuaa puantahtute tan Sawrkar atanga tanpuina pekchhuah a lo ni ta chu thil lawmawm tak a nih thu leh eizawnna kawnga sawrkar puihna dawngtute chu an dawn chhan ang taka sum leh pai hmang tura an phut thu a sawi a, “Thildanga in hmang a nih chuan he Scheme tihlawhchhamtu in ni dawn a, chuvangin he Scheme hlawhtlinna leh hlawhchhamnaah hian mawh in phur a ni,” a ti a. Eizawnna kawngah rinawm a pawimawh thu sawiin, Sawrkarin duhsak taka puantahtute hmakhua ngaia eizawnna kawnga tanpuina a pek chu an hlawhtlinpui ngei theih nan dik tak leh rinawm taka hmang turin a chah bawk a ni.
He hun hi Commerce & Industries Department Director Maria CT. Zuali chuan kai-hruaiin Serchhip DCIO F. Lalnisai chuan inlawmna thu a sawi a, Puantahtute hnenah hian tanpuina an dawn tur chu Cheque hmanga hlan a ni.