Chhiahtlang ah Truck in In a su chhe vek

Ni 15.11.2024, Zirtawpni : Tukin Dar 4:45 AM vel khan Chhiahtlang, Chhim Veng-a Lalpandika te In chu Truck, RJ14GN9384 chuan a sù chhe vek a. Vanneihthlak takin nunna chân leh hliam erawh an awm lo a, motor-ah hian mi engzat nge chuang tih hriat a ni lova, an tlanbo nghal a ni.

Chhiahtlang atanga thudawn danin Lalpandika te chhungkua hi pali niin, amah bakah a nupui leh an fa, naupang tê pahnih an ni a, tunhnaia In dang thar niin an In luah lai hi Chhiahtlang Vengchung-a mi, Lalremliana In a ni a, a chhe darh hneh hle a ni.

He motor hian Lalpandika te In a sut hma hian an ṭhenawm Zalianvela kawta Syntex pawh a su keh a, electrict ban a su thlu bawk a ni.