Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Tangkhang mi 535 awm mek

Serchhip District chhunga Lockdown kalpui mek laiin khualzin tangkhang leh hnathawka awm tang laklawh mi 535 an awm mek. He thu hi nimin a Serchhip District Level Task Force on COVID-19 thutkhawm ah Serchhip SDO (Sadar), C. Lalduhzuali chuan tarlangin, hetiang mi tangkhang report hi a luh belh zel tih a sawi a, a tam zawk hi Construction Company hnuaia hnathawktute an ni. Heng mite hian eitur tlachhama harsatna an tawh loh nan an harsatna te chu an awmna Local Task Force kaltlanga Nodal Officer hnena an dinhmun report zel tura tih an ni a. Nodal Officer atan Samuel Zodinsanga, MCS, SDC chu ruat niin Phone No. 9862409765-ah a tul anga biak theih a ni bawk.

Comments

Chhiar Hlawhte