Nimin-a Serchhip-a rawn kal Larsap General (Dr) Vijay Kumar Singh chuan Serchhip-a hun a hman zawh hnu nimin chawhnu lam khan Chhingchhip-a Sainik School chu a tlawh a, Larsap hi Sainik School Principal Col. S. Dhar, AEC leh a thawhpuite'n an lo dawngsawng a, Larsap pual hian inkhawm neih a ni bawk. He hunah hian Larsap chuan Mizoram in Sainik School tha tak a nei chu lawmawm a tih thu a sawi a. Sainik School chuan zirna mai piah lamah nunphunga pawimawh thil dang tam tak a zirtir thu sawiin, hei hian zirlaite chu an thanlen zelna kawngah a puih dawn thu a sawi a ni. Larsap hian Sainik School-a hun a hman zawh hnu hian Helicopter hmangin Aizawl a pan leh nghal a ni.
