Latest News

Internet chungchangah YMA in hma an la

Serchhip Sub-Hqrs. Kumpuan Committee chuan nimin khan Serchhip-a Internet Service Provider hrang hrangte kawmin Under-Graduate/Post-Graduate Examination neih turah zirlai ten Internet Service tha an hmuh theihna turin hma an la.

Serchhip Sub-Hqrs. YMA hian nimin khan Serchhip-a Internet Connection pechhuaktu, Internet Service Provider hrang hrangte chu an Office-ah lenchilhin thla thar June 1 atanga Mizoram University hnuaia College hrang hrang ten Online hmanga Exam an neih turah Exam neih chhunga Internet Service khaihlak a awmlohna tura tan la turin an ngen a, hemi kawngah hian YMA ten tangkai theihna an nei a nih chuan theihtawp chhuah an inhuam thu an sawi bawk a ni. Nimin-a YMA Kumpuan Committee fehchhuak hi an Chairman, Lalrammawia chuan a ho a ni.

Hemi hmalam hian Serchhip Sub-Hqrs. YMA hian thuchhuah siamin YMA in Zirna Uar kum an puan laiin hripui leng avangin zirna pawh a pangngaia kalpui theih a ni lo tih an sawi a. Classroom zirtirna zirlai ten an dawn phakloh laia zirlai ten kum an hloh lohna tura sawrkar leh zirna lama hotu ten ruahmanna an siam zel thu sawiin, zirlai ten Exam-na ah leh lehkha an zirna atana an mamawh hrang hrang Stationery material, lehkhabu, Internet Connection chak tha leh a dangte tlachham lova an hmuh theih nan Branch YMA tin te chu an huamchhung theuh ah bengvar chhuaha tan la turin an ngen bawk a ni.

Comments

Chhiar Hlawhte