Doctor sawn tur ennawn leh turin sawrkar ngen

Zonuna Kawlni /

Serchhip Thalai Pawl (STP) chuan Serchhip District Hospital-a Doctor sawn tura tih chu en-nawn sak leh turin thuneitute an ngen.

Hemi chungchanga thuchhuah an siamah STP chuan Health & Family Welfare Department chuan May 28, 2021 khan District Hospital Serchhip-a Doctor thawklai Dr. Lalnunhlima Khiangte (Pathologist), tuna thiamna sang zawk zir mek chu Lunglei Civil Hospital-ah a sawn nia tarlangin, District Hospital Serchhip-a a thawh lai hian PG zirin Serchhip damdawi In-a Ultrasound hmang thei awmchhun ni tura Training tir hial a lo ni tawh tih an tarlang a. Serchhip damdawi In hian a thiamna leh amah hi an mamawh nia tarlangin, a awmloh chuan Serchhip Damdawi In-ah Ultrasound ti thiam an awm mai rih dawn loh avangin mipuite ah harsatna nasa tak a thlen dawn niin an tarlang a. Hei vang hian STP chuan Serchhip mipuite hmakhaw ngaia he thuchhuah hi ennawn leh tura sawrkar hotute ngenin, Doctor hi sawn-chhuak lo turin an ngen a. Loh theihloha sawn a ngai a nih pawhin a chhuah hma ngeia a aiawh zo tur mithiam dang lo dah ngei turin an ngen bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »