Mizoram-a Salvation Army hotu lu ber boral

Salvation Army, India Eastern Territory a Territorial Commander, Commissioner Lalzam-lova chu nimin zing khan Lungphuchawl in a boral a, nimin khan vuiliam nghal a ni.

Mizoram-a Salvation Army hotu lu ber, Commissioner Lalzamlova hi May 26, 2021 khan Y.P Corps Sunday puala Sermon-a record zo Sitting Room-a a thu hahdam chu a pum na thutin Civil Hospital, Aizawl panpui a ni a, hemi hnu hian Test hrang hrang tih a nih hnuah Ebenezer Hospital-ah admit a ni a, a dinhmun pawh a ziaawm chho nia a lan laiin nimin zing dar 7:10 vel khan a thawk buaiin ICU-ah dahluh nghal a ni a, Ventilator te hman ni mah se nimin zing dar 8:25 khan a boral zui ta a ni.

Commissioner Lalzamlova hi May 20, 1962 khan Kawnpui, Churachandpur, Mani-pur-ah a piang a, pianpui unau 8 neiin Commissioner Nu-i nen Feb. 17, 1984-ah an inneih a, fa 3 leh tu 9 a nei a ni. Kum 1984-ah Officers' Training College-ah Thingkangphai (Tuinu) Corps atangin an lut a, May 1, 1986-ah Salvation Army Puithiam atana commission a ni a, India ram mai ni lo, ram pawn thlengin hmun hrang hrangah Pathian rawngbawlin an lo kal chhuak tawh thin a ni.