Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

ASF vangin Vawk 112 thi tawh

Serchhip District chhunga Vawk hri, African Swine Fever (ASF) lenna hmuna Vawk thi chu 112 a tling ta.

Nimin chawhnu dar 1:00 atanga chhiarlet-a darkar 24 chhungin Serchhip District-a ASF hri lenna hmunah Vawk thi 7 lai a awm leh a, heng te hi New Serchhip-ah Vawk 5 leh East Lungdar-ah Vawk 2 te an ni a, Vawk thi zingah hian a note 2, thla 3-8 inkar 3 leh a puitling 2 an tel a ni. Heti hian ASF vanga Vawk thi tamna ber New Serchhip-ah Vawk 47 a thi tawh a, East Lungdar-ah Vawk 43 a thi tawh bawk a ni. Heng bakah hian Keitum khua ah Vawk 9 thi tawhin Thenzawl leh Chhiahtlang-ah Vawk 6 ve ve an thi tawh a, Vanchengte-ah Vawk pakhat a thi tawh bawk a ni.

Heng bakah hian Serchhip DVO hnuaia khaw 8-ah chhan hriatloh in Vawk 22 an thi tawh a, chhan hriatloh a Vawk thi tamna ber Ser-chhip-ah 11 zet an thi tawh a ni.

Comments

Chhiar Hlawhte