Latest News

Ramkang chungchang sawiho

State Level Special Investigation Team on Fire Outbreak leh Serchhip District Level Committee on Fire Prevention Member bakah Official te chuan tunhnaia Serchhip District chhunga kangmei chhuak hrang hrang chungchang nimin khan Video Conference hmangin an sawiho.

He sawihona hun hi Serchhip DC Office Conference Hall atanga lo zawm niin SIT Member te hian tunhnaia Serchhip District chhunga ramkang lo chhuah chhan nia lang te, District thuneitute lamin ramkang an umzui dan te, ram kan chhan leh a titute man leh hrem chungchang te, ram kang thelh tura hmalak dan te leh thil pawimawh dang an hriat duhte zawtfiahin, nakin zela ram kang leh kangmei dang laka invenna rawtna hrang hrangte sawiho zui a. SIT Member te hriat duh bakah thil tul dang awm ang ang te, an rawtna te District Official lamte pawhin an sawi lang hlawm a ni.

Kuminah Serchhip District-ah hmun 12 ah ramkang a awm a, heng zinga a nasa ber Thing-lian khua leh a chhehvel phei chu mihring tana thelh mai theih a nih loh avangin IAF Helicopter hmanga thelh a ni. He sawihona hun a Ser-chhip atanga tel hi hi Addl. DC, Lalmuansanga Ralte leh SP, Stephen Lalrinawma ten an ho a ni.

Comments

Popular News (Last 30 Days)