Latest News

Hri kai hmuhchhuah tam ber ni thleng leh ta

Niminpiah khan Mizoram-ah Sample 4741 enfiah niin heng atang hian hri kai mi 288 hmuh leh an ni a, hei hi darkar 24 chhunga hri kai hmuh an tam ber ni niin Sample enfiah atanga za zela 6.24 te chuan hri an kai a ni.

Niminpiah khan ZMC Laboratory-ah Sample 2169 enfiah niin heng atang hian COVID-19 hri kai 97 hmuhchhuah an ni a, heng zinga 91 chu Aizawl District-a Sample lak niin Kolasib District atanga Sample lak zingah hri kai 14 hmuh an ni bawk. Aizawl District atanga hri kai hmuhchhuah zingah hian Aizawl Electric Veng atangin hri kai mi 24 zet hmuh an ni a, Armed Veng South atangin hri kai 17 leh Chhinga Veng atangin hri kai 13 hmuh an ni bawk a, State pawn atanga rawn haw inkhunghrang lai leh hri kai tawh nen inkawmhnaihna neih avanga inkhunghrang lai te an ni hlawm.

District hrang hranga TrueNat Laboratory-ah niminpiah khan Sample 175 enfiah niin hri kai 5 hmuh an ni bawk a, Champhai District-ah hri kai mi 2 hmuh niin Lunglei, Saitual leh Serchhip District-ah hri kai mi pakhat theuh hmuh an ni a, an vai hian inkhunghranna hmuna awmlai te vek an ni.

Niminpiah khan Mizoram-ah Rapid Antigen Test hmangin Sample 2397 enfiah ni bawkin hri kai mi 185 hmuh an ni a, an zinga 129 chu Aizawl District ami niin hri kaina hriatloh leh chhui zui ngai 52 an awm a, midang 76 te chu hri kai tawh nen inkawmhnaihna nei niin midang pakhat hi State pawn atanga rawn lut a ni thung. Champhai District-ah hri kai 21 hmuh niin tunhnaia hri kai hmuhchhuah tawhna Zokhawthar ami vek niin hri kai tawh nen inkawmhnaihna nei an ni a, Serchhip District-ah hri kai 13 hmuh niin an zinga 11 chu Chhingchhip ami an ni.

Lawngtlai District-ah hri kai 11 hmuh niin an zinga mi 8 te chu Kamalanagar-II ami an ni a, mahni inrinhlelhna neih avanga Sample enfiah an ni. Kolasib District-ah hri kai mi 8 hmuh niin Lunglei District atangin Tlabung-ah hri kai mi 3 hmuh an ni a, Mamit District-ah State pawn atanga rawn lut tur hri kai pakhat hmuh a ni bawk.

Nimin khan Mizoram-ah hri kai mi 114 te chu enkawl dam an ni ve leh bawk a, heti hian nizan dar 10:00 thleng khan Mizoram-ah hri kai hmuhchhuah chu 9732 an tling tawh a, heng zinga mi 7521 te chu enkawl dam ni tawhin hei hi hri kai hmuhchhuah atanga chhutin za zela 77.28 a ni a, tunah hian hri kai enkawllai 2181 la awmin nunna chan mi 30 an awm tawh bawk a ni. Tunah hian Mizoram District zawng zawng ah hri kai enkawllai an la awm vek a, Aizawl District-ah hri kai enkawllai tam berin 1696 enkawl mek an ni a, Kolasib District-ah mi 151 enkawl niin hri kai enkawllai tlemna ber Hnahthial District-ah hri kai pakhat enkawl a ni bawk.

Comments

Chhiar Hlawhte