UD&PA Office-ah rukru lut

Tunhnai khan Serchhip-a UD&PA Office chu misual tu tih hriatloh ten rawkin thil bo liantham lutuk erawh a awmlo nia thudawn a ni.

New Serchip Venglai-a UD&PA Office-ah hian tunkar Thawhtanni thleng khan thawktute kalin hri leng avanga Lockdown a nih avangin hemi hnu hian Pisa hi hawn mumal a ni tawh lova, niminpiah khan he Office hi rawk a ni tih hriat-chhuah niin Serchhip Police Station-ah FIR thehluh nghal a ni a, Police ten rukru hi manchhuah ngei tumin hma an la zui nghal a ni.

Serchhip-a UD&PA Office hi kawng-kharpui bulah Thir hmanga hung a ni a, hei hi Office-a lut te hian an tihchhiat loh avangin a bula Motor dahna chung atangin In chung lamah an lawn lut nia ngaih a ni a, kawngkapui kalhna hi chhiain misual te hian pawisa an zawng ber niin a lang a, amaherawh chu pawisa an dahna erawh tichhe thei lovin tunhnaia Housing Loan dilna Form an hralhna sum thenkhat erawh an la niin a lang a, bungraw dang lak pawh a awmlo nia thudawn a ni. Tarlan tawh angin tunhnai ah New Serchhip Venglai-a PCR H/S Office chu misual ten rawkin pawisa an lo la tawh bawk a ni.