Thilpek semchhuak mek zel

/

Serchhip-ah COVID-19 hri leng avanga mipui ten harsatna an tawh mek laiin pawl leh mimal hrang hrang ten midangte tanpuina an semchhuak mek a. Nimin khan Serchhip District Sports Committee chuan Serchhip khaw chhunga VLTF hrang hrangte tlawhin Duty te mamawh atana hman turin Rs. 1000/- theuh an hlan a, he hunah hian SDSC hi an Chairman, K. Tlangthanmawia hovin hruaitu rual te an kal a ni. Nimin vek khan Serchhip-a Royal Riders te chuan Chanmari Veng VLTF te hnenah Rs. 5000/- an hlan bawk a, Serchhip Police te pawhin chawhmeh leh eitur chi hrang hrang nimin khan an sem bawk a ni. Heng bakah hian Veng hrang hrangah mi tlawmngai leh pawl hrang hrang ten thilpek hi an sem reng bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »