Latest News

Serchhip aiawh turte kal

Inter-District Volleyball Championship vawi 17-na chu Vawiin hian Khawzawl-ah khelh tan a ni dawn a, Serchhip District aiawh turte pawhin nimin khan Khawzawl hi an pan a ni.

Inter-District Volleyball Championship vawi 17-na hi nizan khan a khuhhawnna neiin Mizoram District hrang hrang atangin Mipa leh Hmeichhia Team khat zel tel tura beisei an ni a, tunkar Zir-tawpni khian zawhfel tur a ni ang.

He Championship-a Serchhip District aiawh khel turte chuan hun engemaw chen inbuat-saihna an neih hnuah nimin zing khan Serchhip chhuahsanin Khawzawl hi an pan a, Serchhip District Volleyball Association President, K. Tlang-thanmawia hovin anmahni thlahna hun hi hman niin SDVA President chuan infiammi te chu Serchhip District tana theihtawp chhuah turin a chah a, mi inphal ten an inbuatsaih nan sum leh pai tam tak an pek thu pawh sawiin, heng mi te hnenah hian lawmthu a sawi nghal bawk a ni.

Serchhip District aiawha kal Mipa leh Hmeichhe Team-ah hian players 12 ve ve awmin Manager, C. Laldinpuia hovin an kal a, SDVA Treasurer Rohmingliana chuan tawngtaina in a thlah a ni.

Comments

Chhiar Hlawhte